ما تقبلت الفراق و ما ليدي فيه حيله
آه لو أن الظروف المقبلة تكشف قدرها
لو يعرف الشخص منا وش مع الغيب اب يجي له
كان جنبنا المشاكل من قبل يوقع ضررها
ما هقيت الليلة اللي جابت الفرقا طويله
لين صارت ليلة أمس بعيني أطول من شهرها
و العذاب اللي يذوب بعين من يفقد خليله
عندي أكبر من عذاب العين لو تفقد نظرها
و الحبيب اللي صدوده مثل مداته جزيله
صد عني و أعرفه لا صد عن حاجه هجرها
كأن روحي يوم حست في جفاه و صعب نيله
بشرتني بالضياع و شدت العزم لسفرها
ما رحمها من هلاك و ما تقبلها دخيله
تحتضر قدام عينه لين ماتت من قهرها
عاد ليت اللي ذبحها و أرهب الموت بوسيله
ما دفن وجه الضحيه و السكاكين بنحرها
ليت قلبه يوم طاوع فعلته كمل جميله
لو غسلها من عروقه و بكفن صدره قبرها
من حفر بضلوع قلبه حفرةٍ تكفي قتيله
ليه ما يدفن قتيله بالضلوع اللي حفرها
اشتكيته للرفوف و للبراويز الهزيله
و انذعرت من النياح اللي سمعته في صورها
رحت أسولف للجبال الصم عن قصة رحيله
ما تركت متونها الا ينحت الدمع بصخرها
Merkur Futur Safety Razor - German Merkur - DEccasino
ردحذفIt 1xbet korean is a perfect blend of chrome and a very good looking slant head for a beginner or experienced deccasino shaver. Adjustable handle is also ideal for Rating: 5 · 1 review · €50.00 · In worrione stock